وصية للفاهم
سمعني يا الفاهم وفهم
كلامي بالحكمة ومعانيها
قولي ماهو طمع ولا انا بكم
خود من الحكمة داكشي لي فيها
تقتي بالناس كبيرة
وشكون لي يعرف ليها
شي نأمن بدراهم يخون
وشي نأمنو بكلام بآتاي يدوز بها
لمن نحكي همي
وهمي ماعارفو غير لي عالم بها
نتيق باللي يسوى ويخدلني
واللي ما يسوى يستنى ناتيه بها
شافوني بالضحك هبيلة
قالوا العقل ماعندها والدراهم ما فيديها
اما الضحك عندي حسبة الفهامة جيبي عامربيها .
الكلام المعقول عملوه مزاح
وكلام الضحك عملوه راس مالي
لي تقول لو ها المعقول
يقول ليك سروالك راه بالي
واش هذا زمان العقل والمعقول
ولا زمان لي يقول ليك انا ما فحالي
خلي تقتك بالله كبيرة
وقول شوف من حالي ياالعالي
كلمتهم بالتباتة والرزانة
قالوا نبين الفهامة ونبغي لي يدلالي
كلمتهم بالضحك والحجاية
قالوا امي جدة تحكي لي
كلام الحق نزلوه لعيال
وكلام الباطل علاوه في العلالي
حكيت لنفسي وضاقت بي الاحوال
وحكيت لربي ورتاح ما في بالي
زينب البعباني