توعدت الا خت زينب البعباني على انها ستعمل

توعدت الا خت زينب البعباني على انها ستعمل

جاهدة من اجل المتابرة والمواصة في كتا بة كل جديد في مجال الزجل  وهده اولى نبرا تها ....

.........

مالك يا الزين تبكي على يامك

*******************************************

مالك يا الزين تبكي على يامك

ويامك يالزين ضاعت من كثر همامك

خططتي وفكرتي حتى مشى هواك

وبكثر ما عيتي دوزتي ومالقيتي دواك

يام الله قليلة دوزها باش ما عطاك

ماعرفتي اليوم ولا غدا واش خليتي من وراك

ناس تقول وتقول وكلامك هو المعقول

بالحكمة وكلام زين والمعنى تاخد لعقول 

فكر كثير وخود بالك من الاقوال

كثرة الاقوال تسمم ونت ما عليك ما يتقال

فكروني بناس زمان خلويامي نور

اما ناس اليوم خلوني غادي كالمغرور

ربي عالم باللي بي وما عالم غيرو

قالوا زمان خود الحكمة من عالم ماشي لي عملها فريرو

شكون لي نتيق هدا ولا داك

كثرة الاقوال مابقيت عارف خوك من عداك

قالي البعض حياتك كلها زينة

وانا منين، حامدة الله وطالبة رضا واليدينا

فينك يالصبا نحكيلك على هموم الشباب

شوف الشباب ا ش دار فينا وسعاك الشياب

نطلب موتي اليوم قبل ما يصبح نهاري

الله عالم واش نطلعو مهموم ولا نزيدو مع اسراري

فيني وفين الناس لي دارتها بينا

غادي يجي النهار ويقولوا يا ويل وعار علينا

مايبقاش في الحال صفيت امري مع الله

والى ضاقت بيك الاحوال صلي وخود كتاب الله

قلبي حنين لمن نهديه

وكل وجه شفت فيه غضر مخبي فيه

تبعت وصيت بويا في مات في عامين

"وصيتك يا بنتي بطريق الني وانت بنت عامين

ونزيد نوصيك ونت خرجت من العشرين

حض بالك من السنة الى ضحكات ليك ومن دمعة العين

ومن الامول الى بانت ليك

ومن الطريق لي يخرج عليك"

وقالي:" حض بالك ليعضوك لفاعوا

غادي يجي نهار لي الخو ماينفع الخو"

وصدق كلامو لما جا النهار

وحبساتهم الميمة بكلام الصخط والعار

هده حياتي بكل مافيها

.خليتها في يد الله هو لي عارف ليها

زينب البعباني